Ambraslid Ben Bringmann overleden

‘T is os dreuve plich
Um uch te informere
Dat ee bekind gezich
Noe nit mieë zal actere.

D’r Ben, dae groeëte lange,
Dae op ‘t lets zoeë kròmp woar
Is van os hingegange
Mit juus viefentachtig joar.

Zieng letste teks gesjrieëve,
Zieng letste rol gesjrap,
Kânk nit langer blieve
En is van de buuhn gesjtap.

Noeëts mieë zieng verhoale
In ee plat dat gaar nit klop.
Noeëts mieë kenne sjtroale
Mit gedichte oet d’r kop.

En woa stoe noe och bis,
Vier zage op d’r drempel:
Adieë Ben, doe bis
bedank vuur alle krempel.

Bestuur en lede
Toneelgroep Ambras