Hans Voncken (1946-2023)

Paus wool hae waede.
Dat leek ‘m waal get.
Of kastelein.
Dat woar ‘m egaal.

Hae woeëd juris,
ambtenaar, lieëraar,
besjtuurslid va sjtichtinge en vereine.

Want ’t culturele laeve
houw hae hoeëg zitte.
Of ’t noe fanfaar Alosyana woar,
zie geleefde Rolduc
of ozze Toneelgroep Ambras

Vier mochte ‘m kinne
as máán va Marjos,
as zjwoager, nónk en naef
van ‘nne ganze rammel angere
bij de Ambrasfamilie.

Hae woar
os oad-bestuurslid,
os vuurmalig sjpieëlend lid,
os langst nit-sjpieëlend lid,
ozze adviseur,
ozze klinge Napoleon,
ozze moelejan,
ozze groeëte fan,
ozze vrúnk.

Adieë Hans,

bedank vuur watste vuur en hinger de bühne
vuur ozze toneelgroep gedoa has
en vuur lü betekend has.

De Ambrasfamilie geet dich misse.